Flip the script: ndrysho perspektivën

Edicioni i 41-të u mbajt më 2 qershor 2018 në sallën e konferencave të Orchide-së, me temën „Flip the script / change the perspective”, në ndërlidhje me DOKUTECH, dhe i kushtohej ndryshimit të perspektivave që ekzistojnë në shoqëri.

Bind Skeja, psikolog dhe kryetar i bordit të Qendrës për Informim dhe Përmirësim Social (QIPS), foli për rrugën deri te krijimi i QIPS-it, organizatë që ngre vetëdijen dhe kërkon zgjidhje për problemet e popullsisë nga një perspektivë shoqërore, për punën e saj në komunitet dhe për planet e ardhshme.

Ilire Gashi, e diplomuar në Ekonomi-Statistikë dhe Menaxhment në RIT Kosova, ku punonte në zyrën e pranimeve, foli për Museum of Broken Relationships Kosovo. Prej një viti, ajo dhe shtatë vullnetarë punonin për ta sjellë për herë të parë në Kosovë këtë muze ndërkombëtar, të ideuar nga producentja Olinka Vištica dhe skulptori Dražen Grubišić, që mbledh, ruan dhe ekspozon objekte të dhuruara pas përfundimit të lidhjeve, për t'i bashkuar njerëzit përmes historive të përbashkëta të dashurisë dhe ndarjes.

Organizuar nga ekipa e të rinjve aktivistë të BarCamp Ferizaj, nën ombrellën e Iniciativa për Progres (INPO), me mbështetjen e IPKO Foundation.