Aktivizmi, shoqëria civile dhe filmi

Edicioni i parë i BarCamp Ferizaj u mbajt më 14 shtator 2013 në Residence Bar, afër ndërtesës së ish-kinemasë në Ferizaj. Tre folës sollën përvoja nga aktivizmi, shoqëria civile dhe filmi, dhe hapën serinë e takimeve BarCamp në qytet.

Ramadan Ilazi, themelues i OJQ-ve INPO dhe FOL dhe një nga aktivistët e parë të shoqërisë civile në Kosovë, ishte folësi i parë në historinë e BarCamp Ferizaj. Foli për projektet e tij për shoqërinë dhe për rrugën e tij si aktivist.

Albion Sherifi, drejtor i OJQ-së Nisma për Aktivizim, prezantoi projektin „Inico për vetvete”, një varg aktivitetesh që kulmojnë me një film dokumentar 35-minutësh. Foli për vullnetin për të nisur zgjidhje për problemet tona dhe për mënyrën si qytetarët bëhen pjesë e vendimmarrjes përmes shoqërisë civile.

Sabri Pajaziti, regjisor filmi dhe përgjegjës për kulturë në Qendrën e Kulturës në Ferizaj, foli për FerFilm Festival, festivalin ndërkombëtar të filmit që do të mbahej për herë të parë në Ferizaj më 2–6 tetor 2013. Tregoi përgatitjet dhe planet për festivalin, që pritej të sillte shumë filma nga jashtë Kosovës.

Organizuar nga të rinj aktivistë nga Ferizaji, me mbështetjen e IPKO Foundation.