Filantropia, financat publike dhe garat studentore

Edicioni i gjashtë u mbajt më 27 shkurt 2014 në sallën e konferencave të Orchide-së. Folësit ishin drejtuesi për Ballkanin i një prej fondeve më të mëdha në botë, një analist financiar dhe një student që kishte garuar në gara ndërkombëtare studentore.

Haki Abazi, drejtor i Rockefeller Brothers Fund për Ballkanin, foli për mënyrën si funksionon ky fond në rajon dhe për mundësitë që u jep individëve dhe organizatave për të përfituar mbështetje. Tregoi edhe rrugën e tij deri te kjo pozitë.

Hekuran Murati, analist financiar dhe udhëheqës i Njësisë për Menaxhimin e Borxhit Publik në Ministrinë e Financave, foli për rëndësinë e njohurive financiare dhe për letrat me vlerë të Qeverisë së Kosovës, si instrument për financimin e buxhetit të shtetit dhe si mundësi për investitorët.

Kushtrim Palushi, aktivist dhe student, tregoi përvojën e tij në gara ndërkombëtare studentore: simulimin e një rasti në Gjykatën Ndërkombëtare të Drejtësisë dhe të Këshillit Evropian në Balkan Case Challenge në Vjenë, simulimin e një rasti në Gjykatën e Arbitrazhit, po ashtu në Vjenë, dhe simulimin e Kombeve të Bashkuara në Harvard.

Organizuar nga të rinj aktivistë nga Ferizaji, me mbështetjen e IPKO Foundation.